吉山二社区

吉山二社区
—  社区  —
省	浙江
市	湖州
區	吳興
街道	月河街道

吉山二社区，是吴越湖州市吴兴区月河街道个一隻社区。社区有拉湖城苕溪东路个南面，东面是外环东路，西面是吉山二路，南面是环城东路。。根据2023年个《浙江省标准地名录》，吉山二社区面积0.6平方公里，人口5666人。

社区个名字是从吉山新村二村小区来个，吉山二村是1980年开始造，到1984年造好个，面积0.6平方公里。

历史

吉山本名稷三，是圩田个名字，全名是稷字第三圩，是宋代开始有个名字，後歇来俗称“吉三”。廿世纪七十年代末，湖城东部开始造新建居民住宅区，因为有拉吉山村个地方咾，就叫吉山新村，到九十年代末，先後造好吉山一村到吉山十村。

社区本来是吉山村个地，1983年8月份，吉山二村部分住宅造好之后，为嘚方便新造个居民区管理，吉山新村居委会分设吉山一村居委会搭吉山二村居委会。1984年7月份，吉山新村三村造好之后，设立吉山三村居委会。1986年10月份，吉山四村造好之后，吉山三村居委会分成吉山三村居委会搭吉山四村居委会。1991年7月份，吉南新村造好之后，设立吉南居委会。2000年12月份，吉山二村、三村居委会撤脱，设立吉山二居委会；吉山四村、吉南居委会撤脱，设立吉山三社区。2003年4月份，吉山二、三社区一淘办公，2007年9月份，合并建立吉山二社区。