去斯大林化

去斯大林化（俄语：Десталинизация）指个是1953年苏联领导人约瑟夫·斯大林死脱之後，苏联带头个一众共产主义国家搞起来个一波政策调整搭有限度个自由化改革。主要内容有得取消对斯大林个个人崇拜，慢慢交摆脱“斯大林模式”。1956年2月份，伊辰光个苏联共产党中央第一书记赫鲁晓夫勒苏共二十大高头发表篇秘密报告，叫《关于个人崇拜搭仔渠后果》，狠批斯大林，头一趟公开披露勒“大清洗”期间个政治迫害搭屠杀做法。後首来赫鲁晓夫勒国内推动一系列改革，帮冤个平反，改脱交关斯大林时代个政策。弗过，赫鲁晓夫箇套做法也勒国际共产主义运动里向造成交关混乱。到1964年赫鲁晓夫下台，箇也就停脱哉。

後首底，“去斯大林化”箇件事体反反复复，一直到1985年戈尔巴乔夫上台，又来仔第二埭，是1987年苏联经济改革个一部分。1991年苏联解体仔么，俄罗斯搭东欧一星国家开始更加彻底个清除斯大林元素，搞“去共产主义化”搭民主化转型。