印度尼西亚日报
《印度尼西亚日报》（印尼语：Harian Indonesia），老早也叫《印尼星洲日报》，是勒1966年9月12号创刊个中文报纸，是印度尼西亚连续出版辰光顶长个中文报纸。勒苏哈托独裁掌权个辰光，伊是印度尼西亚唯一一份获准出版个中文报纸，印尼军方情报部门直接管理，是印尼当局畀印尼华人宣传政府政策、法规，想咾同化华人个工具，也客观丄拿印尼华人用个汉字保留下来。[1]2000年，伊畀私人公司PT. Emas Indonesia Duaribu收购，变成爿私人个华文报社。到2006年年底，伊帮马来西亚个《星洲日报》合作，故咾改名叫《印尼星洲日报》。2021年开始，因为业务重组，又重新恢复老名字《印度尼西亚日报》哉。现在箇份报纸是MAHAKA MEDIA管理个，废脱印尼文部分，增加新闻信息量，改变排版风格，开仔电子版吸引读者，每日发行量有得1万多份。[1]
参考
[编辑]- ↑ 1.0 1.1 韦宝毅 (2014-10-09). 印尼华文媒体的过去、现在和未来. 原始文档勒2019-08-09存档. 访问日脚2025-09-14.