1965年-1966年印度尼西亚大屠杀（印尼语：Pembunuhan Massal Indonesia），也叫做印度尼西亚反共大清洗，是指勒印度尼西亚发生个一桩大规模屠杀。勒美国搭别样西方国家个支持下，印尼军队搭政府煽动针对印尼共产党成员、共产主义同情者、工会会员、印尼华人、无神论者搭左翼分子个大屠杀、城市暴动。
箇场大屠杀从有争议个政变「九三〇事件」开始个，毛估估受害人有得50万到100万人，也有讲法高达200到300万。箇桩事体勒全球冷战个背景下，是對共产主义者个政治清算，也促成了苏加诺下台搭苏哈托三十多年独裁统治个开始。
