查理五世(神圣罗马帝国)

出自维基百科,自由个百科全书
上海道台讲张 | 贡献2016年3月18号 (五) 07:50个版本
El Emperador Carlos V con el bastón, por Rubens. Copia de un retrato de Tiziano.

卡洛斯一世(西文:Carlos I de España y V del Sacro Imperio Romano Germánico,1500年2月24号-1558年9月21号),称号凯撒,立在神圣罗马帝国个头衔是神圣罗马帝国皇帝查理五世。伊是哈布斯堡家族个成员,通过伊爷爷搭爸爸个关系,继承奥地利、勃艮第、卡斯蒂亚、阿拉贡个所有领土,并立在神圣罗马帝国个选帝会议高头,通过走关系,当选神圣罗马帝国皇帝。个能,伊立在30岁个辰光,就拿整个西欧大部分地区侪控制牢哉(立在亚平宁半岛还拥有米兰、那不勒斯领地)。加上个辰光西班牙征服者开始征服美洲,所以,伊也就成为整个基督教世界顶顶有权力搭荣耀个君主。弗过,这也带来蛮多麻烦个事体,法国国王法郎西斯一世一直立在对伊寻麻烦,东面个奥斯曼帝国也一直对欧洲侵略扩张,这侪分散伊蛮多精力,要去对付法国人搭穆斯林。弗过,顶顶让伊头疼个,是神圣罗马帝国境内个宗教改革事体,因为马丁路德个煽动搭交关诸侯叛变,让老早就弗大稳定个帝国,更加内部矛盾增加。1556年,伊拿自家西班牙国王个位置让把自家个大儿子费利佩二世 (西班牙)。1558年死脱之后,拿神圣罗马帝国搭自家个奥地利领土,让自家阿弟费迪南一世继承。

语言

卡洛斯一世欢喜西班牙文,讲西班牙文是搭天主交谈个语言。伊弗大欢喜德文,讲德文适合搭马槽当中个牲口对话。