光启公园
光启公园勒拉上海市徐汇区南丹路，原名南丹公园，1983年为仔纪念徐光启逝世350周年咾改为现名，园内主体建筑是徐光启墓。2003年，上海现存顶古老个民居南春华堂因抢救性保护搬迁到第搭，辟为徐光启纪念馆。光启公园地处上海主要商业区之一个徐家汇，附近有徐家汇圣依纳爵主教座堂、天主教上海教区主教府、中国科学院上海天文台、上海市气象局、徐汇区政府大楼、上海轨道交通徐家汇站。
徐光启墓
[编辑]徐光启墓是明末科学家、思想家、政治家、军事家，天主教教友领袖搭护教士，礼部尚书兼文渊阁大学士徐光启（1562年4月24日－1633年11月10日）搭渠拉部分亲眷个墓地。
徐光启家族墓地勒垃2条河浜（肇嘉浜搭法华泾）个汇合处，附近后首来形成村落，称为徐家汇。1842年天主教耶稣会重新来华以后，垃1847年选中徐家汇建立江南传教区个总部，陆续建成一系列教会机构，形成一大片教会区。1914年，徐家汇以东地区并进上海法租界，盖咾徐光启墓所在个教会区也就自然融入了上海市区。1990年代以后，搭徐光启墓贴隔壁个徐家汇地区迅速演变为上海顶主要个商圈之一，陆续开设交关商店，矗立起交关高层建筑。
崇祯十四年（1641年），徐光启归葬于上海。墓地共十个墓穴，葬有徐光启、夫人吴氏搭伊四个孙辈夫妇。墓地附近形成村落，后称为徐家汇。光绪二十九年（1903年），天主教江南代牧区在徐光启受洗三百周年之际，重修了墓地。1933年徐光启逝世三百周年，墓地又获重修。抗日战争期间，墓地荒废成为菜畦。1957年，上海市文化局重修徐光启墓，复建十字架基台，将渠列为上海市文物保护单位。“文化大革命”个辰光，墓地个牌坊、华表遭到破坏。1978年墓地重辟为南丹公园，此后陆续修建了一系列纪念物。1983年徐光启逝世350周年，南丹公园改名为光启公园。1988年，徐光启墓畀中华人民共和国国务院列为全国重点文物保护单位。2003年12月，徐光启墓修复工程竣工，恢复了1903年个墓制。[1]
徐光启墓占地300平方米，高2.2米，是椭圆形大墓。墓前立有石碑、十字架，石人、石马、华表搭石牌坊。墓碑是数学家苏步青手书“明徐光启之墓”。石牌坊刻有对联：“治历明农百世师经天纬地，出将入相一个臣奋武揆文”。墓东侧为碑廊，刻有徐光启手迹、查继佐撰《徐光启传》搭程十髮临摹个徐光启画像。[1]
南春华堂
[编辑]
上海现存顶古老个民居南春华堂原位于徐汇区梅陇路南春华堂5号，2003年经抢救性保护搬迁到光启公园咾辟为徐光启纪念馆。南春华堂是明弘治末年到正德年间造个，距今已有500多年的历史。[1]
徐光启纪念馆
[编辑]
南春华堂院里向回廊陈列石刻名人题词搭徐光启手迹。陈列室门前头有一座徐光启雕像。