复旦大学附属华山医院
（从华山医院转戳到箇里）
复旦大学附属华山医院，搭中国红十字会华山医院一个机构两块牌子，是垃拉中国上海市静安区乌鲁木齐中路12号个一所三级甲等医院（1992年首批通过），是复旦大学个附属医院、复旦大学上海医学院个教学医院、中国红十字会个直属医院[1]。
华山医院1907年成立，伊个辰光是中国红十字会成立个民营医院。[2]1928年，成为国立上海医学院个教学医院。1936年曾分出部分人员，组建国立上海医学院另外一所教学医院中山医院。1955年，改叫上海医学院附属第一医院。1962年，因为医院边丄是华山路，故咾叫上海第一医学院附属华山医院，2000年又因为上海医科大学畀复旦大学合併脱改成乃朝箇隻名字名。
华山医院个特色专科是皮肤科、神经外科、手外科、感染科、神经内科、运动医学科咾啥个。[3]
分院
[编辑]
- 复旦大学附属华山医院东院（第二冠名：上海国际医院）来勒浦东金桥地区红枫路525号，碧云国际社区里向，2006年4月28号正式开业。
- 复旦大学附属华山医院北院是集医、教、研于一体个三级综合性医院，来勒宝山区陆翔路108号。2012年底，华山医院北院開業，箇個辰光伊还有獨立建制[4]。2022年1月份，华山医院北院整建制合併进复旦大学附属华山医院总院，乃朝北院又叫华山医院宝山院区。[5]
- 复旦大学附属华山医院西院来勒闵行区金光路958号，新虹桥国际医学中心里向，主要开阵个科室是华山医院个特色专科。
参考
[编辑]- ↑ 龚德庆，张仁良主编（2011.01）．静安历史文化图录．上海：同济大学出版社，276-278．ISBN 978-7-5608-4364-3．
- ↑ 池子华，严晓凤，郝如一主编（2011年4月）．《申报》上的红十字 第4卷．合肥：安徽人民出版社，1934．ISBN 978-7-212-04128-1．
- ↑ 华山医院简介. 原始文档勒2013-01-15存档. 访问日脚2012-11-03.
- ↑ 【看点】运行9年后，华山北院整建制并入华山医院_上海_医疗_宝山 (zh) (2022-01-27).
- ↑ 华山医院北院整建制并入华山医院 ：一个“并”字，对医院和属地带来什么变化 (zh) (2022-01-26).