半山芭监狱

半山芭监狱

保留下来个大门

半山芭监狱（马来语：Penjara Pudu）是马来西亚吉隆坡座老个牢监，勒吉隆坡市中心半山芭，是英殖民地政府勒1891年花仔13.8万令吉造起来个，到1895年正式造好，占地10公顷，里头有6排建筑物，130间囚室。一开始，监狱只好关大概600个犯人，後首底扩建到好关2000个人。

1983年，邝炎章、曾戴登搭林金祥三個人，用仔超过1000個钟头，勒监狱个外墙浪画仔一幅长270米个壁画，创下伊辰光全世界最长壁画个记录。

1986年10月17号，箇搭发生过一桩大大有名个囚犯挟持人质事件。

20世纪90年代，马来西亚政府决定拿半山芭监狱搬到别个地方去，解决牢房弗够个问题。1996年10月31号开始，箇座监狱个犯人侪搬去双溪毛糯监狱，原先隻监牢改造成博物馆过。2009年开始拆脱造武吉免登城中城，拆得唻只挺一座门墙。