北齐巷社区

北齐巷社区
—  社区  —
省	浙江
市	湖州
區	吳興
街道	朝阳街道

北齐巷社区，是吳越浙江省湖州市吴兴区朝阳街道个一隻社区。

北齐巷社区有许湖州市中心个小西街历史文化街区裏向，面积0.33平方公里，社区总户数1295户，总人口3000多個人。

历史

社区个名字来自老底子个北齐巷，北齐巷有许小西街南，东起朝阳路，西到环城西路，长150米，阔3.2米，搭渠相交个有横北齐巷，北起朝阳巷，南到北齐巷，长73米，阔2.5米。崇祯《乌程县志》有写，民国个辰光定为五等街巷，1970年9月份，改成永新巷，1981年10月份，恢复本来个名字，2010年拆迁，后歇来改成所前西街。

宋朝辰光是湖城右一厢（南厢）石鼎界、鹅行界。元朝归湖州路录事，是右一厢（南厢）石鼎界、鹅行界。明朝是乌程县第五区石鼎界、鹅行界，置有仪凤桥南铺、韦坛铺、小西铺。清朝辰光是乌程县在城第十四庄、第十五庄、第十六庄。民国初年归吴兴城，民国十八年（1929年）归吴兴县第十区小西里，民国廿年（1931年）改归小西镇，民国廿四年（1935年）归爱山镇，是第九保。1949年10月份，建立居委会。1956年2月，湖城居委会整顿改选个辰光，北齐巷居委会撤脱，1976年7月份，重设北齐巷居委会。2000年12月份，居委会撤脱，搭旱渎桥居委会合并，设立北齐巷社区。2010年7月份，搭朝阳社区合并建立北齐巷社区。