北苏州路是中國上海市一条东西走向个路，贴牢苏州河北岸，经过虹口区、闸北区两隻区。箇条路东起外白渡桥，西到西藏北路，全长1960米，阔9米到28米。北苏州路是上海公共租界工部局勒垃1887年到1905年分段修个，因为勒垃苏州河北岸故咾叫箇個名字。
北苏州路是苏州河航运要地，路边多个是仓库，晚清个辰光公济医院搬去四川北路口东面，1915年勒垃470号造出上海总商会（春申江家具店），1920年代勒垃276号（四川北路口）造出上海邮政总局，1930年代勒垃东面个20号造出百老汇大厦（上海大厦），340号（河南路口）造出河滨公寓。
