北咸海
北咸海（哈萨克语：Солтүстік Арал теңізі；俄语：Северное Аральское море）是老早辰光个咸海北边个一部分，现在伊个水源主要来自于锡尔河。
历史
勒20世纪60年代个辰光，搿搭还是苏联个地界，由于大规模个粗放农业开发需要灌溉用水，锡尔河下游水量减小，咸海水位逐渐矮脱了。到仔1986年，咸海里向已经露出来蛮多个湖床，拿咸海一分为两：北部个就是今朝个北咸海，而南边个南咸海后手来继续干脱，分为东咸海搭仔西咸海。搿几只小湖泊勒90年代仍然勒嗨缩小，其中北咸海个水还要流进南咸海，导致伊迅速缩小。到2005年，独立以后个哈萨克斯坦勒嗨北咸海出水口修好一座科卡拉尔大坝，拿北咸海个水流出去个通道堵起来，乃末北咸海个水位再又重新回升。
生态
2003年个辰光，湖水深度只有得30米，面积也只有得2550平方公里（根据日本宇宙航空研究开发机构个数据是3200平方公里）；通过哈萨克斯坦个努力，北咸海湖水个水面勒2008年已经从2003年个水平升高仔12米，湖深达到42米，面积也扩大至3300平方公里（日本宇宙航空研究开发机构个数据则是3600平方公里）[1]。湖水个含盐度降低，水里向鱼类多起来了，渔业也慢慢较得以恢复。