2007年加沙地带争夺战

出自维基百科,自由个百科全书
(从加沙之战转戳到箇里)

阿拉伯文讲:معركة غزّة﹞ 总结:阿拉法特(勒2004年11月)死脱后,哈馬斯赢着2006年巴勒斯坦大选伊搭弗甘心受巴勒斯坦解放组织(法塔赫)个摆布,勒2007年6月12号至6月14号通过武装冲突法塔赫手裏頭完全夺取加沙地帶个控制權。

伤亡:双方120个人死脱,
550人受伤。

背景[编辑]

6月10号,哈马斯武装分子挟持仔一星个法塔赫成员,拨一个叫Mohammed Sweirki总统侍卫从加沙顶高个15层大楼掼向大街。法塔赫武装分子为着报复,杀脱一间寺庙个主持Mohammed al-Rifati。随即又向首相伊斯梅尔·哈尼亚Ismail Haniya)个居所开火。勒半夜之前,有个哈马斯个武装分子也拔人从12层高楼掼向大街。

6月11号,法塔赫个领导人——巴勒斯坦自治政府主席阿巴斯,搭当时个哈马斯首相哈尼亚家舍同时遭人用自动枪炸弹袭击。

袭击开始[编辑]

6月12号几百个哈马斯武装分子开始攻击拨法塔赫占领两只据点。三个小时后就占领着搿星地方。

加沙地带[编辑]

有个目击者法新社搭话:北面一个法塔赫基地叫做Jabaliya个城市已拨哈马斯占领哉。加沙市法塔赫总部周围发生顶严重个械斗,哈马斯武装分子搬来火箭炮搭交关自动武器一阵子狠打。

6月13号,哈马斯占领加沙北部原本系法塔克控制个国家安全部。枪手以高楼大厦做据点猛烈开火,中午哈马斯讲己经消灭一个居勒加沙南北大道浪个法塔赫据点。

到下午,同法塔赫有联系个保安部队总部拨人炸毁,里头死脱五个人。

6月14号,哈马斯枪手终于冲进保安总部个中央大楼。哈马斯成员展示自治政府个战车搭仔武器。根据伊搭讲,搿星武器是近来两月以色列美国埃及偷运去加沙送拔法塔赫个。

6月14号下午,美联社报道加沙市继续有爆炸。据法塔赫官员个说话是保安部队撤走后炸脱搿星岗位,好白白送拔哈马斯。来歇保安部队转去别个地方驻守哉。

同一日哈马斯宣告控制仔加沙地带个南部,并让以色列、巴勒斯坦搭欧盟个保安部队去监察城市拉法。欧盟个部队事前已经以安全理由撤出去以色列城市Ashkelon。

政治后果[编辑]

巴勒斯坦自治政府主席阿巴斯宣布解散国会、进入紧急状态。巴勒斯坦自治政府首相伊斯梅尔·哈尼亚Ismail Haniya)拨人逼宫,阿巴斯想透过主席令同时统治加沙搭西岸。

哈马斯个发言人山米·阿布·祖赫里Sami Abu Zuhri)随即回应讲:阿巴斯个决定是「习惯个做法... 来歇值一个铜钿」,而哈尼亚哩:「就算伊个主席拨辞退依然是政府首脑」。

自从搿辰光,巴勒斯坦自治区就正式拨分裂作两部分:即哈马斯控制个加沙地带搭仔法塔赫管辖个约旦河西岸

国际浪个态度[编辑]

美国欧盟以色列,一边到支持实际控制西岸巴勒斯坦自治政府。6月18号,美国、欧盟分别宣布,同巴勒斯坦自治政府恢复正常关系,恢复经济援助,以色列破天荒拿巴人自治政府叫做「伙伴」,而且拨哈马斯上台辰光冻结个关税,一古脑儿移交拨巴勒斯坦自治政府。

外部链接[编辑]

看看别个加沙事体[编辑]

  1. 2007年加沙地带争夺战
  2. 2008年末加沙地带大轰炸