刘特佐

刘特佐（马来语：Low Taek Jho，通称“Jho Low”；1981年11月4号生），马来西亚一個“出名”个国际通缉犯，1MDB天价贪污案个核心人物。伊勒马来西亚个国家基金里向几十亿美元骗出来，勒全世界瞎花瞎掼，买游艇、追明星、开派对，活得像個皇帝。现在畀马来西亚、新加坡、美国咾啥多个国家通缉，必过现在还朆捉牢。

生平

伊是马来西亚槟城出生个华人，爷老头是拿督，经营大马综合工业集团（MWE），屋里向有钞票个，读个是国际学堂。

勒垃1MDB贪污案里向，刘特佐通过伊新加坡瑞意銀行账户，拿一個馬來西亞發展有限公司发展基金个钞票卷仔跑，通过空壳公司、假合同，洗到個人账户里。

新加坡警方勒垃2016年4月份对刘特佐发出拘捕令。2018年8月份，马来西亚方面扣脱刘特佐用箇钞票买来个“平静号”，申请“红色通缉令”，必过[红色通缉令”申请失败。2019年，伊帮美國政府民事和解，放弃美国扣个资产，必过弗承认犯罪。2022年7月16号，刘特佐通过代理人想帮马来西亚政府和解，马来西亚明讲自家弗接受。2023年3月28号，科威特法庭勒垃刘特佐缺庭底下裁定伊洗钱，判坐10年监牢。2024年5月份，伊特谓申请个塞浦路斯护照畀塞浦路斯撤销脱，剥夺塞浦路斯公民身份。。

伊人呢从2017年到2019年，先后出现勒泰国、中国台湾，到2018年纳吉·阿都拉萨畀关起来仔么，逃去中国，囥勒香港、澳门、上海咾啥个。