凱撒

来自维基百科
蹦到: 导航搜寻
凱撒嗰胸像雕刻

凱撒,又譯愷撒拉丁文:Caesar,公元前100年7月13日-前44年3月15日),羅馬共和國末期嗰軍事統帥、政治家儒略家族成員。

凱撒虽然出身貴族,弗过家门并弗哪能显赫,伊年轻辰光当过律师,败诉两趟之后放弃。改跑到自家亲戚立在小亚细亚个军队里厢。个当中,曾经立在东方王国个宫廷里充当间谍,有传闻讲伊当过迭个国王个男宠。伊回到罗马之后,想方设法挤到权力阶层。因为伊擅长搞女人,情妇多,所以关系网也灵通。弄到神官个职位。之后伊歷任財務官、大祭司、大法官、執政官、監察官、獨裁官等職。伊晓得自家弗是罗马第一流个名门,嘸办法立在元老院出人头地,所以,伊就拿自家个人望寄托在平民身上。一直塑造自家是老百姓个朋友。弗过,这些侪弗过是权术而已。

公元前60年,伊搭驾驽士·庞培Pompey)、麻掴撕·李锡尼·克拉苏Crassus)秘密結成前三頭同盟,隨後担任执政官,立在任期当中排除异己,收买暴民,通过农地法,笼络到交关失地无产者民心。之后,根据三巨头同盟个秘密约定,伊立在执政官任满之后,出任控制三个行省大权个高卢總督。伊晓得嘸武功做资本是无法搞独裁个,就用8年辰光,恩威并施,逐渐殖民高盧全境(乃朝法國比利时搭德国莱茵河西面),也野心勃勃个侵略日耳曼不列顛。伊立在高卢安插势力,排除元老院个官僚,完全拿高卢变成伊自家个独立王国。迭些举动,也引发元老院个交关责问。公元前50年,庞培搭元老院要求伊辞脱高卢总督个职位,伊嘸执行。公元前49年,渠跨越卢比孔河,公然叛国并佔領羅馬,之后追杀龐培,灭脱反对自家个势力。立在元老院设立类似东方帝王个宝座,集大權於一身,开始獨裁統治,制定了《儒略曆》。

公元前44年,凱撒个独裁让罗马元老院大部分元老再没办法忍受,以布魯圖Brutus)所領導嗰元老院成員拿伊暗殺身亡。凱撒死脱之后,其甥孫及養子屋大維Augustus)擊敗安東尼Antony)開創羅馬帝國並且成為第一位帝國皇帝。抛开个人个作为弗讲,凯撒是能力邪气强个军事家搭文学家,伊个著作高卢战记是拉丁文学个名作,伊个统治方法搭收买民心个手腕,也为后代个帝王树立标杆。此外,凯撒也是撲克牌裡嗰方塊K人物。


註釋[编辑]

參考資料[编辑]

外部連結[编辑]

Commons-logo.svg
维基共享资源里向寻得着搭该篇文章搭界个多媒体资源: