凤阳府

出自维基百科,自由个百科全书
凤阳鼓楼

凤阳府是东亚大陆近古时代长期存在个一个行政区划单位。勒明帝国、清帝国阶段,是淮河地区重要个组成部分,范围大概包括乃朝安徽中北部以及江苏北部一部分。

设置搭撤销[编辑]

元帝国阶段,凤阳个名号还是濠州,属安丰路。由于此地是朱重八个老家,所以也跟随朱重八个发家,得到邪气大个重视。洪武七年(1374年)八月,此地从之前朱重八个中立府升个格为凤阳府,并且获得“中都”个身份,成为同应天府、顺天府类似个存在。明帝国为充实当地人口,也强制迁移交关长江以南个老百姓到此地,造成交关吴越人家破人亡。到明帝国后期,此地并弗得到皇室重视,降格为流放宗室个场化,此外经济也弗灵光,回到元末个状态。明末此地畀陕西起义军一把火烧脱交关。到清代,虽然还保留凤阳府个规格,但地位已经大幅度降低,重新成为一个穷困黄泛区。1910年代初,清帝国畀灭脱,凤阳府也畀废脱。

具体范围[编辑]

明帝国阶段,凤阳府管辖五州十三县:凤阳县临淮县怀远县定远县五河县虹县寿州(领霍丘县、蒙城县)、泗州(领盱眙县、天长县)、宿州(领灵璧县)、颍州(领颍上县、太和县)、亳州。治所在凤阳县。管辖乃朝安徽省三分之一以上个区域。

名人[编辑]

朱重八