农南路

农南路，是中華人民共和國上海市闵行区七宝镇东南部一条城市次干道，1997年修个，因为伊勒垃原上海农学院南面，故咾叫箇個名字。路本来叫七中路。乃朝，路东起环西一大道，西到七莘路接华茂路，宽16米。

历史

农南路延伸工程工地（新镇路一侧），原通往上海交通大学七宝校区的教学农场。

农南路1997年修个，伊辰光只有新镇路到外环线一段。后来，为咾缓解新镇路沿线学堂过多，学生客流量忒大，导致路丄车流压力大，农南路延伸到七莘路、对接华茂路。延伸段长721.6米（後来更新成637.8米），原本计划2014年9月份开工、2015年3月份完工。

2015年4月份，中共闵行区区委常委、副区长于勇，闵行区交通委主任陈福明，帮上海市公安局交通警察大队闵行区交警支队副支队长舒迟勒垃上海交通广播《有请发言人》节目直播里向表示，闵行区正勒垃加紧进行方案规划，拿包括农南路个57条断头路摆进三年计划里向，尽快打通。2016年年底开始动迁，计划2017年6月份开工。2018年6月份，完成桥梁下部结构验收。2019年开始景观改造，箇段路也差弗多修好哉。

按照规划，环西一大道抬升工程会得拿农南路往东延伸对接东兰路，而且原先地道方案调整成地面道路哉。