军工高架路

图里向红颜色个是军工高架路

军工高架路是中华人民共和国上海市一条城市高架快速路，南起中环路，北到逸仙高架路，未来还好连勒长江西路快速路丄，长约7.5公里，有得双向4到6车道，2017年12月28号开工个，2025年1月11号0点钟开放部分匝道作为施工期间临时交通。2025年10月11号10点钟正式通车。

军工路快速路项目是地面主干道搭仔高架道路，地面主干道是双向6车道，高架是双向4到6车道，同长江西路快速路老底子畀人叫“中环北抬”，必过上海市规土局勒垃2015年否认箇隻讲法。工程方面，军工高架路用液压振动锤来减少打桩头个辰光产生个噪音，头一趟勒垃上海城市高架路里向采用预制拼装，原定2024年造好通车个，必过呒没实现。

2025年1月11号0点钟开始，中环路原民星路上下匝道开始改造，同军工高架路主线连起来，军工高架路部分匝道临时开放交通，比房价殷行路南往北上匝道（上高架仔么掉头往南）、嫩江路北面上匝道（上高架仔么掉头往南），嫩江路南面下匝道反向变成上匝道，原中环民星路出口变成临时开个营口路出口。

2025年10月10号，军工路快速路主线高架造好。同年10月11号10点钟，军工路高架正式通车。