关节积血

关节积血个X光照片

关节积血（英语：Hemarthrosis）指个是关节里向出血，通常是有出血倾向个病人受到外伤仔么发生个。

病因

关节积血通常勒垃外伤发生仔後发生个，必过主要是有出血倾向个病人会得有箇种情况，比方讲用华法林（warfarin，或者其他抗凝剂）个病人咯血友病病人咾啥个。伊也可能发生勒膝关节关节置换术手术以后。发克里米亚-刚果出血热个辰光也可能骨骱里向出血，认为是病毒感染造成个关节里向出血。

诊断

关节积血好用箇眼方法诊断：

首先是身体检查，通过活动骨骱，确认关节功能。再进行关节液分析，箇要拿根细针插进关节里向，抽出关节液进行检查，假使讲验出来有血么就是哉。一般性也好通过核磁共振成像、超声波、X射线检查出来。

治疗

对血友病病人来讲，关节积血会得自然发生，反复发生仔么会得造成血友病性关节病变，是血友病病人失能个主因，治疗可能要做滑膜切除术或者关节置换术，外加增加药减少出血可能。