兰溪青年公园

兰溪青年公园

兰溪青年公园来勒中华人民共和国上海市普陀区，西临兰溪路，东到花溪路，南面是曹杨一村，北到上海市普陀区中心医院，曹杨新村环浜穿过公园南部，公园面积1.26万平方米。

历史

兰溪青年公园當地本来是虬江北岸个农田搭仔墳地。1957年，共青团上海市普陀区委员会发动青年来勒箇埭开辟共青果园。1958年，共青果园划比上海市普陀区绿化办公室管理，後些来改种树苗。1965年前后改名叫普陀区共青苗圃。1980年，园北部1666.5平方米土地划畀上海市普陀区中心医院。1981年，上海市普陀区人民政府规划造曹杨新村环浜绿化带，當地进仔曹杨新村环浜绿化带规划里向。1982年，當局决定造公园，上海市园林管理局负责总体规划及绿化设计，常熟杨园花草公司负责建设，1984年5月1号落成开放，名字是从兰溪路搭公園前身共青果园来个。1986年，曹杨新村环浜南岸1000多平方米个绿地划畀公园，公園南部造仔围墙，修仔水榭、石拱桥，调整园艺布局。

2017年，上海市普陀区绿化市容局开始对箇家公园进行改造。2018年6月份，公園改造完成，拆脱原先个围墙外加大门，成为全敞开式公园，有5只出入口。兰溪青年公园也成為上海市普陀区头一座24小时开放个公园。