八坼街道

八坼街道，是苏州市吴江区个一隻街道。

历史沿革

清朝雍正四年（1726）拿吴江县分成功吴江、 震泽两隻县个辰光，八坼箇塊地方属吴江县。宣统两年（1910年）实行区域自治，八坼设镇。民国元年（1912年）， 八坼是乡。民国十八年（1929年）8月份调整区划，勒八坼设第九区，八坼是区辖镇。民国廿三年8月份，八坼镇划归第一区（城区）。中华人民共和国成立以后，八坼镇归城厢区管。1957年10月份，八坼改名城厢区八坼乡，八坼集镇是乡管镇。1958年9月份，八坼人民公社成立。1983年7月份，恢复八坼乡。 1988年8月16日，八坼撤乡建立八坼镇。2000年8月，八坼镇撤脱，并到松陵镇，八坼集镇是社区。

2018年松陵镇撤脱，成立横扇街道。同一年，苏州市人民政府同意划出横扇街道个八坼居委会搭10隻村委会（直港、石铁、联民、汤华、友谊、友联、新营、黑龙、练聚、农创）个区域，设立八坼街道。2019年6月17號，八坼街道挂牌正式成立。

行政区划

八坼街道下头有1隻社区搭8隻行政村：

• 八坼社区
• 双联村、新营村、农创村、直港村、石铁村、黑龙村、友谊村、汤华村。