八仙桥
历史
[编辑]得名
[编辑]1860年8月份，英法联军攻陷大沽口，清朝政府委派怡亲王载垣、兵部尚书穆荫去通州南张家湾同英法联军议和，必过谈判破裂。英法联军勒垃北京东郊八里桥同清军主力僧格林沁部决战，格林沁部全军覆没，咸丰帝逃去避暑山庄，北京城沦陷，清政府弗得弗签订《中英北京条约》、《中法北京条约》。因为八里桥之役是第二次鸦片战争里向顶关键个一场战争，上海法租界为咾纪念伊，拿法租界新开个一条马路命名成“八里桥街”，箇就是乃朝个云南南路。必过上海市民却出于情感原因，叫伊“八仙桥街”[2]（法语：Rue Passiejo）。
筑桥
[编辑]1900年，上海法租界扩张，原租界西界个周泾（今西藏南路）以西，打铁浜（今自忠路一带）以东地区划进法租界里向。为咾方便往来新租界，法租界勒垃周泾丄沿咾公馆马路（乃朝金陵东路）修仔座木桥，叫伊八仙桥。
1905年，法租界勒垃八仙桥南面新造一座桥，叫“南八仙桥”，八仙桥改叫“老八仙桥”。後些来，法租界又勒垃八仙桥街跨洋泾浜上修仔座桥，叫“新八仙桥”[3]。1914年，周泾畀法租界填脱变成敏体尼荫路，也就是现在个西藏南路。洋泾浜畀租界填脱，修仔爱多亚路，也就是现在个延安东路，桥侪拆脱，畀过八仙桥变成地名哉。1917年，八仙桥地区个东北方，由黄楚九投资个大世界游乐场开门营业，迅速成为上海个娱乐中心之一，有得恩派亚大戏院、黄金大戏院、南京大戏院[4]，而八仙桥指代个地方也一路畀大世界一路压缩。改革开放以后，西藏南路西面个八仙桥地区畀政府拆脱，改造成广场公园搭仔其他建筑[1]。
参见
[编辑]参考
[编辑]- 1 2 八仙桥、太平桥、打浦桥，卢湾老地名何止这些？ (2020-02-20).
- ↑ （中文）薛理勇（1999）．《上海掌故辞典》 ．上海辞书出版社，4．ISBN 7-5326-0513-2．
- ↑ 上海地名志>>第三篇居民地地名>>第二章地片、区片>>第二节区片. 原始文档勒2013-11-13存档. 访问日脚2019-04-20.
- ↑ 当代文化研究网>>学人>>包亚明>>八仙桥. 原始文档勒2008-10-08存档. 访问日脚2011-06-08.