六四运动

六四运动也叫六四天安门事件或者八九民运、八九学运，中华人民共和国政府一般性叫伊1989年春夏之交的政治风波。广义丄向，伊指个是从1989年4月分开始，大学个学生子主导、勒垃北京天安门广场发起个、长达靠两個月个学生运动，后首来获得民众个支持咾引发仔全国性个示威活动。狭义丄向指个是以强硬派为主个政府高层阿末来决定实施戒严搭仔派遣军队，勒1989年6月3号夜里向到6月4号清早进行清场。中华人民共和国政府派遣个中国人民解放军搭阻止部队行进个民众勒许北京市天安门广场附近地区爆发流血冲突，阿末来交关死伤搭流亡、部分军人伤亡后，示威活动宣告结束。

名头

广义丄向，“六四事件”或者“六四天安门事件”（简称“六四”）指个是1989年4月月勒垃北京开始咾波及中国大陆个抗议活动，伊个导火索是胡耀邦过世搭仔接落来老百姓纪念胡耀邦个活动，盖咾有更加广义个称呼“八九民运”“八九学运”咾啥个。搭海外聚焦六四清场个态度弗同个是，勒垃中国大陆，用“六四”系列词汇提及个范围比较大，专门介涵盖整个广义丄个“八九民运”。

狭义丄向，“六四事件”个名头是从中国人民解放军进驻天安门广场、要求抗议个老百姓撤离个行动个日脚（虽则实际丄军队是6月3号夜到就开始执行清场个），也就是“六四清场”来个。中国大陆以外也叫箇樁事体是“六四镇压”或者“六四屠杀”。

官方叫法

1989年到难，中国政府主要用“1989年春夏之交的政治风波”指从1989年4月中（胡耀邦过世）到6月9号（邓小平接见戒严部队军以上干部讲话），或者到1990年初结束（北京市结束戒严）个广义丄个“六四事件”；中国政府还一径维持伊对“制止动乱和平息反革命暴乱”个定性，“动乱”个时间范围搭“政治风波”，也就是广义丄个“六四事件”一样，“暴乱”呢局限勒6月3号清早开始个约莫一日天个时间，搭狭义丄个“六四事件”一样。

具体来讲，1989年4月26号人民日报发表社论《必须旗帜鲜明地反对动乱》后首，中国政府已经拿箇场政治运动定性为“动乱”。6月3号局势升级，中国政府又讲北京发生仔“反革命暴乱”。“动乱”搭“反革命暴乱”有常时简称“两乱”。“暴乱”平息后首，1989年6月9号下半日邓小平勒垃中南海怀仁堂发表《在接见首都戒严部队军以上干部时的讲话》个辰光用仔“风波”箇個词。顶迟到1991年，中国政府搭学界就勒许开始用“1989年春夏之交的（中国）政治风波”“（1989年）‘六·四’政治风波”咾啥个词；或者简称“1989年政治风波”等。“1989年春夏之交的政治风波”作为专名短语也收进《中国共产党历史系列辞典》搭《中国大百科全书》，英文名定为“Political Turmoil between Spring and Summer in 1989”。同时，“动乱”搭“暴乱”个定性也一径维持，出现勒介绍“1989年春夏之交的政治风波”个具体文字裏向。“动乱”就是整场政治风波，“暴乱”个时间范围呢局限勒6月3号清早，指从伊歇辰光开始个“暴徒打、抢、烧、杀等破坏活动，第二日畀戒严部队平息”个“动乱发展”。

过程

胡耀邦过世

4月17号，大学生垃天安门广场集合，人是越来越多。下半天，中国政法大学法律系学生约莫五百人组成一支游行队伍，垃人民大会堂东门举行悼念活动，当天夜里有几千人，警察赶也赶不跑，而且弗单单是政法大学个学生子。伊拉有约莫三千人。北京大学到天安门，经过仔清华大学也有交关人加进去。清晨学生子垃人民大会堂静坐辰光提出了七点要求：

一，重新评价胡耀邦同志个是非功过，肯定伊个民主、自由、宽松、和谐观点；
二，彻底否定清除精神污染帮反对资产阶级自由化，对蒙受不白之冤个知识分子平反；
三，国家领导人帮家属年薪，以及一切形式个收入对人民公开，反对贪官污吏；
四，畀民间办报，解除报禁，实行言论自由；
五，增加教育经费，提高知识分子待遇；
六，取消北京市政府制定个关于游行示威“十条”规定；
七，要求政府领导人就政府失误对全国人民作出公开检讨，并通过民主形式对部份领导实行改选。

戈尔巴乔夫访华

垃5月15号，当时个苏联共产党中央委员会总书记米哈伊尔·戈尔巴乔夫访问北京。

赵紫阳对学生子讲闲话

中共总书记赵紫阳叫学生回屋里，但伊拉弗肯跑，坐垃海埃面。

戒严令

赵紫阳呒没用，搿末轮到总理李鹏讲闲话。李鹏讲搿躺是对国家对人民反革命事体，还有外面幕后黑手支持，决定戒严，叫全部人即刻回屋里，留向街外面个保证弗来人身安全。

清场

6月3号夜里到6月4号凌晨，中国人民解放军派出坦克帮装甲车清场。

凌晨两点军队包围整个广场，凌晨四点，广场个灯畀渠关脱，军队用广播威胁学生子离开。

有纪录片讲，过程中有军人拿步枪，片子里向还有火光帮枪声。伊拉侪显示出有老多平民受伤。