克洛德·沙普

克洛德·沙普（法语：Claude Chappe，1763年12月25号—1805年1月23号），法国发明家、技术员、工程师、修道院长，因为发明第一套实用个光电报系统沙普电报出名，被认为是头一位电信企业家。

1763年12月25号，克洛德·沙普生勒法国萨尔特省布吕隆，是天文学家让-巴蒂斯特·沙普·多特罗什个侄子。1791年，克洛德·沙普勒巴黎头一趟对外展示伊发明个光电报系统沙普电报。伊做议员个兄弟个相帮，让伊箇只光电报系统获得议会支持，1794年完成第一条连接巴黎到里尔个系统，随后推广到全法国甚至欧洲其他地方。1805年1月23号，克洛德·沙普勒巴黎走脱，埋勒拉雪兹神父公墓里向。