光复会

光復會，又謳仔「復古會」，是清朝个末拖時世里造生出个主張顛覆清朝政府个組織，成員大面上向勒在江浙荡地、南洋蕩埭活動，主张是“光復漢族，還我山河，以身許國，功成身退”。1904年11月裏，光復會在許上海興立起哉。第二年，徐锡麟等人勒垃绍兴创办大通学堂，学生560多人侪是光复会会员，戴仔块金牌徽章，徽章高头有得隻“復”字篆文，口号是：“黄河源溯浙江潮，卫我中华汉族豪。莫使满胡留片甲，轩辕神胄是天骄。”

1905年同盟会成立仔么，光复会多数成员加入同盟会，必过因为钞票问题，帮孙中山搭仔同盟会产生矛盾仔么，1910年2月份，章太炎、陶成章帮同盟会正式分裂。辛亥革命箇後首，孙中山、陳其美咾啥个帮光復會个陶成章、许雪秋等光復會頭腦有搅葛，故咾1912年裏該組織拆脱拉哉。