停滞时代

停滞时代（俄语：Период застоя）是指1964年到1982年勃列日涅夫做苏联共产党总书记个辰光，特别是镇压仔捷克个“布拉格之春”之後，箇段辰光苏联勒经济、政治搭社会改革浪向侪停滞哉，呒啥进步。

虽然苏联个军事力量搭政治威望勒某些方面有点加强，但勒计划经济底下头，经济增长率邪气低，平均年收入也呒啥变化，工人生产纪律推板、缺少生产积极性，政治浪向变成仔老人政治，苏联社会整个变得唻死气沉沉，靠惯性运作，各方面侪稳是稳，但呒啥大改革，造成交关问题一日日积起来。箇种情况一直到1985年戈尔巴乔夫上台做总书记之後，再开始有改变。