俞家漾
俞家漾，介歇也写成余家漾，是老底子吴越湖州城东个一隻漾，分成南漾咾北漾，传说是因为宋朝俞澄拉湖州城东临湖门外头造嘚隻俞氏园咾得名个（看下脚个“历史”章节）。後首來北漾畀人填脫，造嘚商品房小區“余家漾”小区，南漾个场许改造成嘚余家漾公园。介歇“余家漾”指个是箇塊區片。[1]
历史
[编辑]清朝光绪《乌程县志》寫，“俞氏園在臨湖門外俞家漾口，宋俞澄置。”介咾介，普遍个一种讲法是，俞家漾个名字是从俞氏园来个。[2]但是宋朝倪思个《經鉏堂雜誌》咾、周密个《癸辛雜識》裏向，全寫俞氏園是有起拉湖州“城內”个。[3][4]元朝至正年间，拉临湖门外头造嘚隻“屯田祠”，也叫“俞太保祠”，纪念屯田郎中俞汝尚（俞澄拉太太公）。[2]
解放之後，俞家漾个邊丄是市區吉山蔬菜专业村个龙泉渡、高桥头、漾墩咾介五六隻自然村，擔着世界田径锦标赛女子标枪冠军个徐德妹，就是生拉漾边丄个吉山村村民。[1][5]
2003年，湖州升华房地产开发有限公司通過竞拍，搭余家漾地块买脱来，拉以前俞家漾北漾个场许造嘚個商品房小區“升华·余家漾”。[6]俞家漾剩脱来点水变成小区里向个一条小河浜嘚。[1]
搭界个文章
[编辑]参考文献
[编辑]- ↑ 1.0 1.1 1.2 浙江民政 (2015-09-30). 余家漾——造就湖城水乡标志 (zh-cn). 原始文档勒2025-05-03存档. 访问日脚2025-05-03.
- ↑ 2.0 2.1 陈振庭 (2003-09-16). "“余家漾”来历查考" (in zh-cn). 湖州日报.
- ↑ 倪思．經鉏堂雜誌 卷八 ．
- ↑ “前集”，癸辛雜識（四庫全書本） ．
- ↑ （简体中文）（2020年06月）“飞英街道”，邱柏林 编：闾里记 ．杭州：浙江古籍出版社，156-157．ISBN 978-7-5540-1746-3．
- ↑ （简体中文）（2007年08月）“湖州升华房地产开发有限公司升华余家漾项目”，湖州市统计局，国家统计局湖州调查队 编：湖州统计年鉴 2007 ．北京：中国统计出版社，360-361．ISBN 978-7-5037-5191-2．