保守派猶太教

在居會堂做早禱，賓西法尼亞州个Adath Israel

保守派猶太教（希伯来语：יהדות מסורתית，罗马化：Yahadut Masortit），也叫瑪索蒂猶太教，是猶太教个一隻宗教運動。伊拉認為猶太教律法搭傳統个權威主要是來自世世代代信徒對傳統个認可，弗單單是神啟。故咾，伊拉認爲猶太教律法（哈拉卡，Halakha）有得約束力，也要貼牢歷史發展。保守派拉比扗決定教務實踐个辰光會得用現代歷史批判研究，弗單單是傳統方法搭文本，外加邪氣看重信眾个意見。箇隻運動覺着自家方法是哈拉卡正宗外加頂頂合適个延續，伊拉保持對傳承形式个忠誠，解釋丄向又有得靈活性。伊拉回頭仔嚴格个神學定義，信仰問題高頭弗追求一式一樣，容許高度个多元化。