俄罗斯驻上海总领事馆

俄罗斯驻上海总领事馆

俄罗斯联邦驻上海总领事馆（俄语：Генеральное консульство России в Шанхае），也就是老底子个“俄罗斯帝国驻上海领事馆”、“苏联驻上海领事馆”，1991年改成難朝隻名頭。总领事馆勒垃苏州河口个虹口区黄浦路20号，是上海市优秀历史建筑，领事馆个對過是礼查饭店。難朝总领馆主要负责上海、江苏、浙江搭仔安徽三省一市个签证搭外侨事务。

历史

1906年俄罗斯帝国驻上海总领事馆正式成立，伊歇辰光总领事馆个馆舍分布勒上海弗同个地方，1914年俄罗斯外交部出面勒垃苏州河搭黄浦江汇合个地方，黄埔路南面靠近外白渡桥个地方买仔一块地造领馆，同一年开始造。1916年12月份，四层楼高，面积3264平方米个总领事馆造好，1917年1月14号通过验收咾开馆。