侵华日军罗泾大烧杀遇难同胞纪念碑

侵华日军罗泾大烧杀遇难同胞纪念碑勒垃中华人民共和国上海市宝山区罗泾镇陈东路121号。纪念碑高1.93米，重5.3吨，碑体是隻金山石刻个石钟，刻有“警钟长鸣，永志不忘”，基座浪刻有“侵华日军罗泾大烧杀遇难同胞纪念碑”，基座东西两面分别用中英文写日军勒垃罗泾烧杀个事体。纪念碑前有近100平方米个广场。

纪念碑是1973年8月13号造个，伊辰光罗泾乡政府勒垃淞沪会战日军小川沙河口登陆点设立“永世不忘”纪念碑。因为淞沪会战个辰光，日军登陆小川沙河口，勒垃罗泾杀脱2244人，烧脱10948间房。纪念碑就是纪念箇辰光故脱个人个，设立个辰光碰巧是淞沪会战爆发36周年。1985年9月3号，宝山县政府拿纪念碑改成“侵华日军小川沙登陆处”碑。2003年，纪念碑改名“侵华日军罗泾大烧杀遇难同胞纪念碑"，搬去罗泾党校里向，帮党校里向个警世钟合勒一道，警世钟成为纪念碑个碑体，同时纪念碑成为宝山区爱国主义教育基地。2018年12月13号，长22 .44米个纪念碑主体墙造好，22.44米个意思是勒垃罗泾畀日本人杀脱个2244名老百姓。