侵华日军小川沙登陆地点

侵华日军小川沙登陆地点
上海市文物保护单位
所在	上海市宝山区
分类	近现代重要史迹及代表性建筑
时代	1937年
登录	2014年4月4号

侵华日军小川沙登陆地点，也叫小川沙侵华日军登陆处，勒垃现在个上海市宝山区罗泾镇罗泾工业园区川纪路158号。2014年4月4号，箇遗址成为第八批上海市文物保护单位。

沿革

1937年，淞沪会战爆发。1937年8月23号，侵华日军第11师团勒垃宝山罗泾小川沙河口登陆，勒垃小川沙咯罗泾杀脱2244名中国人，烧脱10908间房，箇就是罗泾惨案。1973年8月份，勒垃箇地方造箇块碑。1984年3月19号，箇地方成为日本帝国主义侵略上海遗址纪念地。1985年9月3号，新立“侵华日军小川沙登陆处”纪念碑。1992年7月24号，因为造罗泾水库，碑体、地坪搭仔边浪一圈矮墙破坏脱。2003年8月份，再修纪念碑，还勒垃罗泾陈东路121号罗泾党校里向造侵华日军罗泾大烧杀遇难同胞纪念碑。2014年4月4号，成为市级文物保护单位。