传奇

吴语维基百科,自由个百科全书
跳到导航 跳到搜索
传奇

传奇是中国小说里厢个一种,可以归纳勒文言文短篇小說里。「傳奇」个只词在南宋特金朝辰光指个是「诸宮调」、勒明朝搭仔清朝个朝代里又内南方戏叫做「传奇」。唐朝辰光个傳奇小說勒內容来讲是从魏、晋特之后来一共六只唐前朝代辰光个神仙妖怪个小說[1]浪厢继承过来个,主要是「传写奇事,搜奇記逸」能嘎个么事[2]。但是胡应麟倒觉着特之與六朝笔記小說比較来讲是:「凡变异之谈,盛於六朝,然多是传录舛讹,未必尽幻设语,至唐人乃作意好奇,假小說以寄笔端」[3]唐朝人个创作在搜奇上扩大了传奇的题材搭仔內容,题材浪厢主要是爱情、神怪、俠义历史个四种。代表性个作品有得:沈既济枕中记》、《任氏传》,张鷟游仙窟》,陈玄祐《离魂记》,李公佐《南柯太守传》,陈鸿《长恨歌传》、《东城老父传》,元稹《鶯鶯传》,蔣防《霍小玉传》,白行简《李娃传》,牛僧孺《玄怪录》,袁郊《甘泽谣》,裴铏《传奇》等。


个只体裁之名称个来龙去脉[编辑]

「传奇」个只名字是从唐朝中段开始用的。唐朝后期个小說家裴铏特伊自家个小說集起名字叫做之《传奇》,索性就内体裁个名字当作之伊自家小說个专门名字。后首来宋朝有个人叫曾慥,伊编了只《類說》个集子,其中也收集了元稹个《鶯鶯传》,个只集子也叫做之「传奇」。

个只体裁兴起个原因[编辑]

  • 唐朝个传奇小说是勒魏晋等朝代个笔記小说个基础浪发展出來个。伊个辰光社会生产力發展得快,城市里厢经济发达又闹猛,老百姓对文化娱乐个需要也相应个来得多了;从另外一方面看,都市个经济繁荣,也弄出了交关事体变成了邪气丰富个主題搭仔素材。
  • 唐朝个中期是阿拉现在讲个古文运动个高潮时期,也是唐朝个传奇文学繁榮个辰光,个批古文运动个作者,来勒伊拉提倡以史记特汉书当作样子个古文写法个同时,自家也创作了交关好个特传奇体裁类似个作品。举例来讲有韩愈写个毛颖传、柳宗元写个河间传等。
  • 唐朝人科举「温卷」个风气,促使了传奇个兴盛,个桩事体可以勒宋朝个赵彦卫写个《云麓漫钞》第八卷里厢个讲法看到:「唐之举人,藉当世显人以姓名达之主司,然后以所业投献。逾数日又投,谓之温卷。」由于传奇「文备众体,可见史才、诗笔、议论」个特色,文人可以用虚构个手法来写小说,所以作品就更加能写得灵光而看得出作家个文学才能。唐朝个传奇作家里厢有勿少人是进士出身,根据冯沅君个考证,来勒伊列出个四十八位唐傳奇作者当中,除脱二十七个人因为是行事出身呒没考取外,另外个二十一位当中有得举人进士十五人、明经一人、擢制科一人、应进士而落第一人、进士或者制科出身个三人。
  • 传奇往往采取拿韵律搭仔散文摆勒一道个形式、作品里厢诗搭仔文并举,既继承了六朝小说个传统,又受到当时讲唱佛经等演变了个文体个影响。


传奇体裁个特色[编辑]

宋朝个洪迈说:「唐人小說不可不熟,小小情事,淒惋欲绝,洵有神遇而不自知者,与詩律可称一代之奇。」唐朝人写个傳奇比六朝小說进步个地方,大至可以归纳成功下头列出来个五点:

  1. 內容搭仔题材得到了丰富与扩大
  2. 从粗陈梗概个敘事变到之结构完整个长篇故事[4]
  3. 情节更加委婉搭仔曲折
  4. 文辞华丽还又优美
  5. 有意识个来搞创作

唐朝辰光传奇个时期划分[编辑]

  • 唐高~唐肅宗:个些皇帝个辰光是初唐特之盛唐个年代 ,是传奇个继承开发期
  • 唐代宗~唐宣宗:个包括整个中唐个年代,个段辰光是传奇个繁荣期
  • 唐懿宗~唐末:勒个段晚唐个辰光传奇进入了衰退期


注釋[编辑]

  1. 魯迅:「传奇者流,源盖志怪,然施之藻绘,扩其波瀾,故成成就乃特异。」《中国小说史略》
  2. 胡应麟《少室山房笔丛》
  3. 胡应麟《少室山房笔丛》
  4. 魯迅:「小说亦如诗,至唐代而一变,虽尚不离於搜奇记逸,然为述宛转,文辞华艳,与六朝之粗陈梗概者较,演进之为甚明,而尤显者乃在是時则始有意为小说。(《中国小说史略》)


參考文獻[编辑]

  • 魯迅《中国小说史略》
  • 胡应麟《少室山房笔丛》
  • 魯迅:《唐宋伝奇集》
  • 卞孝萱:《唐伝奇新探》
  • 侯忠义:《唐代小說簡史》
  • 羅宗強:《隋唐五代文学思想史》