伊光第一小学
𪥸拿箇篇文章搭上海市黄浦区回民小学弄错。
伊光第一小学，是老底子上海个一隻回民小学，是1945年创办个，中华人民共和国个辰光，改名“黄浦区回民小学”，文化大革命个辰光撤脱。
历史
[编辑]抗战胜利以后，重庆路、大沽路壗头个回民慢慢较多起来哉，渠拉大多数全蛮穷个，无得办法供小人读书，[1]只有一眼眼人勒垃重庆路清真寺（租个房子）里向念经。[2]介咾，民国34年（1945年），宗棣棠等人勒垃大沽路183弄5号重庆路清真寺个隔壁创办仔一爿回民子弟义务学堂，专门收回民学生子，又读汉书又读经文，叫伊光第一小学。[1][2]两年后头李尊楷、李尊信等人组织校董会接办，经费主要靠回民卖大饼馒头、牛羊肉捐钞票，或者认月捐，[1]勉强撑牢仔兩個班。[2]
中華人民共和國成立以後人民政府资助渠，扩充到四個班，請仔沙子敬來當校长。[2]1954年个辰光迁到仔大沽路135号个新地方，[1]1956年改成公办黄浦区回民小学，[2]回、汉学生子全收哉。[1]文化大革命个辰光学堂撤脱。[2][3]