交通路（上海市）

交通路真南路路口附近

交通路是中華人民共和國上海市市区去西郊搭仔嘉定江苏咾啥个次干道。伊勒垃京沪铁路北面贴隔壁，跨靜安、普陀2区。交通路分成兩段，东段东起宝山路，西到会文路，勒垃靜安区里向；西段东起靜安区徐家宅路，過橫跨彭越浦个普善桥以後么进仔普陀區，沿牢京沪铁路北面向西接真南路。。

历史

交通路是1914年开始造个，从宝山路开始到伊個辰光个上海县界结束，长430多米。1926年开仔西段，直达暨南大学真如舊址门前。1934年，经整修成为锡沪公路一部分。普陀区箇段原先是煤屑路，1950年改成弹硌路，1968年改成沥青混凝土，1984年拓宽交暨路到真南路路段，1985年开始拓宽中山北路到交暨路路段。1988年，伊延伸过仔真北路立交桥，全长7150米，宽12.2到24.2米。上海商学院高等技术学院交通路院區就勒垃交通路丄。

2017年底，金昌路到交通路道路新建、改扩建工程启动，西起普陀區嘉定區交界个金昌路金迎路路口东面，向东到普陀區靜安區交界个大洋橋，全线是金昌路搭仔交通路组成，拿两条路连勒一道，交通路大洋桥以西个宽度会得拓寬到30到45米。