五原路（上海）

永福路以东五原路街景

五原路是中国上海市徐汇区个一条路，东西走向，东起常熟路，西到武康路。全长820米，宽15米到17米。

五原路老底子叫赵主教路（Route Mgr. Maresca），是上海法租界公董局勒垃1925年前造个，名字是19世纪天主教南京教区主教赵方济主教（F.Xavier Maresca）。勒垃伊当主教个辰光，上海成立法租界，拿教区个洋泾浜住所让畀法国领事馆。赵方济主教回欧洲个辰光，向教廷建议拿南京教区委托畀耶稣会。1943年，汪伪政权接收租界个辰光拿名字改成五原路。

五原路路壗头是居民区，出名个有205弄来斯南村、258号自由公寓、251号咾啥个，中国福利会幼儿园、商务部驻沪办事处也勒垃箇条路丄。圣公会救主堂曾设勒此里，文革个辰光畀人敲脱，文革后改办基督教华东神学院。漫画家张乐平个老房子也勒垃五原路丄。