九龍半島

来自维基百科
(从九龙半岛转戳到箇里)
蹦到: 导航搜寻
1915年个九龍半島

九龍半島香港市區一隻向南延伸个半島,三面畀維多利亞港包圍。原本半島大部份儕是山地,不過經過百多年个填海,乃歇海邊是平地。半島以界限街爲分界,即是根據由宋皇臺深水埗搭仔大角嘴半島交界拉一條直線做分界。

歷史[编辑]

大清因爲打弗過英國1860年就割仔九龍半島畀英國,就畀界限街分開成兩部份,北面是大清个九龍,以九龍砦城爲中心;南面个九龍半島是英治九龍,英國就立法擔半島伊部份叫成功九龍(Kowloon)。後首來,1898年英國又趁法國廣州灣,以安全爲由問大清租仔新界,乃末九龍又可以併垃一淘。新得个九龍部份,法律丄就謳新九龍(New Kowloon)。不過無論九龍搭新九龍,行政上都當是九龍市區,老少會分開來講。

地理[编辑]

九龍半島,弗計填地,都是丘陵咾啥。南面是尖沙嘴,個尖指向香港島。東南有紅磡灣,東面是九龍灣,西面就由尖沙嘴到旺角嘴像煞一條較爲直个海岸。未填之前,西北面大角嘴是一個搭九龍半島平行个小半島。