义乌清真寺
（从义乌清真大寺转戳到箇里）
义乌市伊斯兰教活动场所，通称义乌清真寺或者义乌清真大寺[1]，是吴越义乌市个一隻清真寺。
歷史
[编辑]元朝辰光義烏有蠻多回回官員，金華府志裏向寫許“回回人”身份个義烏官員有16個。明、清、民國文獻裏向無得義烏清真寺、穆斯林活動个記載。中華人民共和國成立之後，義烏歷年个回族人口統計：1953年，2個人；1964年，11個人；1982年，19個人；因爲做生活、結婚、做生意咾啥个搬過來个，1989年有19個人。[2]
1979年之后，新疆、青海、甘肃咾啥个场化个少数民族穆斯林到义乌来做生意，渠拉拿稠城北门街个义乌饭店租下来，拉三楼顶丄搭棚设立临时礼拜场所。后首来，渠拉又租仔稠城城中路个城中饭店，开仔清真馆店咾伊斯兰教临时祈祷室。1996年之后，新疆到义乌来做生意个穆斯林越来越多，到1998年底，單是维吾尔族也有290個人。渠拉搬到賓王路31號搭稠州中路紅樓賓館聚居，開仔清真館店，設立仔伊斯蘭教臨時宗教活動場所。[3]
2001年10月15號，經過浙江省民族宗教委員會批覆同意，勒垃義烏市紅樓賓館設立伊斯蘭教臨時活動場所，依法畀渠拉辦理登記手續咾，請仔馬春貞阿訇來當負責人。2000年之後，巴基斯坦咾阿富汗咾中東阿拉伯地區个穆斯林到义乌来做生意个越来越多，2002年9月20号，伊斯兰教临时聚会点从红楼宾馆搬到仔南门街200号两楼，参加活动个除脱新疆、河南个穆斯林，还有各个国家来做生意个穆斯林。2004年8月份，伊斯兰教活动场所再次搬迁，搬到仔义乌市江滨西路90号，原来个义乌丝绸厂里向。[3][4]2005年5月份，义乌清真寺造好。[3]
清真寺个官方登记名称是“义乌市伊斯兰教活动场所”，盖咾发生过当地政府拿清真寺丄“义乌清真大寺”个牌子拆脱个事体。[5]
參考資料
[编辑]- ↑ （2011年09月）朱国宏，郭圣莉主编 编：全球化背景下的中国国际社区 上海长宁区实证研究 ．上海：上海人民出版社，113．ISBN 978-7-208-10210-1．
- ↑ （简体中文）（2015）葛壮 编：长三角都市流动穆斯林与伊斯兰教研究 ．上海：上海社会科学院出版社，215．ISBN 9787552007695．
- ↑ 3.0 3.1 3.2 （2017）金华市地方志编纂委员会 编：金华市志 第5册 ．北京：方志出版社，3363．ISBN 978-7-80238-891-8．
- ↑ 中国伊协 (2008-06-10). 义乌清真寺简介. 中国伊斯兰教协会. 原始文档勒2025-09-21存档. 访问日脚2025-09-21.
- ↑ 黃靖軒. 市場與清真寺的交會-論義烏伊斯蘭現象, Master thesis. 國立清華大學 人文社會學院 - 人類學研究所. 2013 （中文（臺灣））.