中潭路

中潭路是中華人民共和國上海市普陀區宜川路街道里向个条路，乃朝南起昌化路桥连接昌化路，北到中山北路、沪宁铁路外加1986年造好个中山北路交通路立交桥。因为一开始顶南面是到潭子湾路，北面到中山北路，故咾用中山北路、潭子灣路两条路个头一個字叫伊中潭路。中潭路路边主要是中遠兩灣城。

歷史

1930年代，國民政府就开始规划箇条路，必过没动作。中華人民共和國建国仔么，1953年拆脱路南面个新建村，拿中潭路修出来。20世纪90年代后期，中远两湾城開造仔么，中潭路望南跨过苏州河到昌化路埭。