中山北路（上海）

中山北路，是上海市西北面条路，经过虹口区、静安区、普陀区，长8023米，高头是内环高架路。东北面从中山北路桥接丄中山北一路，西南面到过苏州河个中山西路桥接中山西路。

历史

普陀區交通路望西路段老底子叫中山路，从孙中山来个，民国17年（1928年）（也有话是1930年个）个辰光上海特别市政府修个，绕开租界通过沪西外围地区拿沪南、沪北串起来，民国19年（1930年）又延伸修仔交通路望东箇段，用三阳里拿伊起隻三阳路箇隻名字。民国34年（1945年）11月份，统一叫中山北路。老底子是7.5米阔个煤屑路面。1959年，中山北路拓宽，改造成水泥混凝土、沥青混凝土路面。1986年，勒垃沪宁铁路道口造出中山北路交通路立交桥。1993年12月20号，普陀区里向沿咾中山北路修个内环高架路造好通车。