中山北一路

中山北一路是中华人民共和国上海市虹口区一条西南东北走向个路，西南起俞泾浦中山北路桥连勒中山北路浪，东北到逸仙路、邯郸路、汶水东路、曲阳路路口，也就是大柏树。路高头有上海内环线高架。中山北一路全长3282米，原先是条河浜，1958年河浜填脱修路，叫中山北路。1960年（也有讲1964年个），箇路帮西体育会路北段合并，改名中山北一路。路边有得上海财经大学中山北一路校区。