中国2010年上海世界博览会香港馆
中国2010年上海世界博览会香港馆，別名無限空間，是香港特別行政區政府勒垃2010年上海世界博览会里向隻自建臨時展館，勒垃世博園區A片区，中国国家馆西南面，主题是“無限城市—香港”。
香港馆分成功3层楼。底楼主题是“連繫：全球”，展示香港同内地、全球个联系；当中层主题是“連繫：意念、資訊和多元”，展示香港个开放搭仔现代化；顶楼个主题是“連繫：自然”，展示香港个天然资源。
香港歌手張學友是箇届世博會香港个對外形象推廣大使，搭孫耀威、謝安琪、張敬軒等歌手主唱世博會香港主題曲《無限之城》，首歌是孫耀威作曲个，粵語版歌詞是陳少琪填写个，國語版、英文版《City of Hope》是陳奕迅主唱个。
香港特區政府曾帮上海世博會事務協調局建議拿香港館留下来，必过按照世界博覽會个規則，香港館要拆脱，拿地空出来。特区政府亦考慮過勒垃相关重新造隻，必过成本效益问题，外加地也寻勿着，故咾放弃哉[1]，阿末決定揀些同香港参加世博会關係深个展品，送畀2010年上海世博會紀念館永久保存。
参考
[编辑]- ↑ 中國2010上海世界博覽會香港館及最佳城市實踐區香港展覽，葵青區區議會討論文件，政制及內地事務局 (2010-07-08). 访问日脚2012-11-13.
外部链接
[编辑]
维基共享资源里向寻得着搭该篇文章搭界个多媒体资源：
- 2010年上海世博会香港官方网站
- 香港館，2010年上海世博會網站
| ||||||||||||||||||||||||||||||||