中原文化

吴语维基百科,自由个百科全书
跳到导航 跳到搜索
Hulatang.png
胡辣湯

中原文化是从黄河流域搭华北平原发源个一种文化,在历史上向,因为首先形成大一统帝国,盖咾,强制推广到东亚大陆。有眼周边民族,也主动咾畀动然,效仿昰只文化。在西晋许歇,中原文化碰著五胡乱华个灭顶之灾。之后,大部分代表中原文化个官僚搭大地主,逃窜到吴越地区,建立流亡政权东晋。中原地区在三百年之后,隑关陇贵族以及丝绸之路上向对波斯中亚等地个吸取,混合成新个中原文化。到北宋阿末阶段,貤畀金国搭后向个蒙古人统治,人口飞速减少,习俗混杂著交关内亚风气。到明朝,中原文化已经蛮难有代表性。弗过,因为儒家大一统思想个框架,盖咾大部分科举下向个儒生,还是认同中原文化塑造个世界观。觉著中原地区是天下个中央。并依据中原文化,硬劲汉化云南贵州等地区个原住民,造成交关族群灭亡。㬮遭,中原文化一般指中原地区个文化,具体包括重口味食品,代表性个就是胡辣汤