旧上海特别市政府大楼
（从中华民国上海市政府大厦转戳到箇里）
| “大上海计划”公共建筑群 旧上海特别市政府 | |
|---|---|
 | |
| 上海市文物保护单位 | |
| 所在 |
 中华人民共和国上海市杨浦区 |
| 坐标 | 31°18′47″N 121°31′32″E |
| 分类 | 近现代重要史迹及代表性建筑 |
| 时代 | 1931年 |
| 编号 | 5-20 |
| 登录 | 1989年9月25号 |
|
| |
旧上海特别市政府大楼，本名中华民国上海市政府大厦，也叫旧上海市政府新厦、上海体育学院绿瓦大楼[1]，来勒现在上海市杨浦区清源环路650号上海体育大学里向[2]，1933年10月10号造好，是伊个辰光中华民国上海市政府官员个办公大楼。[2]2017年到2019年，伊经过修缮，重新对外开放。
历史
[编辑]1929年7月份，中华民国上海特别市政府第123次会议通过议案，划定上海市区东北方向个翔殷路以北，闸殷路以南，淞沪路以东搭周南十图，衣五图以西个土地约7,000多亩是新上海市中心区域。箇只计划后来叫《大上海计划》。《大上海计划》里向，划定市政府权力机关所在地是市中心区个主区，着手开始新市政府大楼个建设。1929年10月1号，市政府公开征集设计图案，悬赏3,000元。1930年2月份，获奖图案正式揭晓。市政府以箇只为范本，设计新个方案。1931年6月份，正式开工。
1932年1月中旬，工程要完工个辰光。“一·二八”淞沪抗战爆发，日本打进上海，五角场、江湾到闸北一片侪变成战场，工程弗得弗停工。1932年3月份，停战，工程来勒7月份恢复，1933年10月10号造好，楼北面也造仔座孙中山铜像。[3]。
1934年元旦，上海市市长吴铁城领仔上海特别市政府搬进市政府新厦[3]。
淞滬會戰後，东洋人占领上海，拿孙中山铜像敲脱。汪精卫政權个上海市政府勒垃1939年从浦东搬得来。1941年，日军占领上海租界，上海市政府搬去原先个租界里向。抗日戰爭結束仔么，上海市政府再也呒没搬转来。上海体育学院成立仔么，大楼成為上海体育学院个行政楼。[4]1989年9月份，成为上海市市级文物保护单位。[4]
图片集
[编辑]
参考
[编辑]- ↑ 魔都记忆——浴火重生的绿瓦大楼 (la). 上海市质量和标准化研究院 (2025-05-10).
- ↑ 2.0 2.1 （清源环路650）市政厅 (zh). 中国国家地理网 (2023-05-05).
- ↑ 3.0 3.1 从“市政府大楼”到上海体院主楼，服役80余年的绿瓦大楼印刻抗战民族记忆史 (zh). 搜狐 (2018-01-24).
- ↑ 4.0 4.1 空间闲画｜城市的记忆系列十七：“大上海计划”代表建筑—— 旧上海特别市政府大楼 (zh). 国土空间规划_上海空间规划设计院_智慧城市_依托复旦多学科优势 (2021-11-23).