中共浙西北特委革命遗址陈列馆

中共浙西北特委革命遗址陈列馆，是吴越湖州市南浔区东迁街道个一爿乡村博物馆。

历史

1941年皖南事变之后，为嘚适应新个斗争形势个需要，1941年2月份，中共苏皖区党委为嘚加强对浙西路东各县咾江苏锡南苏西地区党个工作个统一领导，决定成立中共浙西北特委。箇一年夏天公，經過华中局个批准，苏皖区党委调整浙西党组织咾管辖范围。以京杭国道为界，搭浙西特委分设澄浙西搭浙西北两個特委。浙西北特委由朱辉当书记，刘烈人、张鏖、徐明当委员，辖路东片个吴兴县委（包括含江苏吴江县个严墓区委）、嘉兴县委、海北工委搭江苏锡南、苏西地区个太湖县委，作为抗战中期浙西北、苏南地区党个顶高领导机构。中共浙西北特委建立后之后，机关先后设拉吴兴县个双林、吴江县个严墓，后歇来搬到敌占区吴兴县个南浔镇，拉介歇个南浔区东迁街道浔北村，本来是特委书记朱辉拉老婆汪群拉屋里——南浔镇运河北面个姚家滩汪宅。

1942年，浙西北特委撤离南浔。箇个旧址后歇来弗曾畀人保护好，建筑损毁得蛮严重许。

2019年，市文物局公布中共浙西北特委旧址为不可移动文物。同一年开始維修。

2020年，主体工程个基本修建工作完成。2021年完成布展咾正式开放。

陈列馆

修好个陈列馆建筑面积399平方米，分两层楼，展示内容分成六大篇章，介绍中共浙西北特委机关个发展历程。