东沙虹港路

东沙虹港路是中华人民共和国上海市虹口区一条南北走向个路，北起四平路，南到曲阳南路、虹关路，现在只有355米左右个长度。箇条路原本是条叫东沙虹港箇河浜，1953年到1958年，东沙虹港填脱修路，伊辰光一路望南到临平路，全长870米。东沙虹港路周边环境脏乱差，2014年，嘉兴路街道对东沙虹港路开展市容环境集中整治。2020年，虹关路以南个箇段东沙虹港路开始施工拓宽併进曲阳南路里向，2021年1月8号夜里向通车，箇么东沙虹港路缩到曲阳南路。2022年，挺下来个路拓宽，从部分单行道变成全部双行道，宽度从6米拓宽到20米。