东昌路（上海）

东昌路是上海市浦东新区一条东西走向个路，老底子是东洋泾浜个条支流。浦东塘工善后局勒垃民国17年（1928年）填浜修路个。民国21年（1932年），东端从善堂路（乃朝浦城路）延伸到浦东南路。1937年淞沪会战输脱仔么，东洋人拿路名改成福岛通，抗战胜利仔么恢复老名。东昌路也是浦东地区开始用山东地名畀路起名字个开端，路名从山东省聊城市老底子隻讲法东昌府来个，也就是现在个东昌府区。乃朝东昌路是人民路隧道浦东个一隻出入口，西面顶头是东昌路摆渡口，东面有上海轨道交通2号线浦东南路站（原东昌路站）。