东孝站

车站站房

东孝站勒垃浙江省金华市金东区东孝街道，是沪昆铁路、金温货线、金温铁路个车站，是金温线个正线起点，勒垃金华站东面7公里，是上海铁路局金华车务段管理个。乃朝箇站是四等站，弗办理客、货运营业。

历史

老东孝火车站卫星图（1972年）

老东孝站旧址现况

新金温铁路东孝联络线造个辰光，2014年2月份

老东孝站是浙赣铁路个会让站，1953年修个，1957年造好，勒垃现在东黄公路丄、金东区实验中学附近。1964年，车站开始办理客运业务。伊辰光车站站房面积147平方米，有得候车室144平方米、站台一座、3条股道。

1987年10月份，浙赣线金华单绕线一期工程开工，勒垃东面重新造仔新个东孝站，1989年完工。1990年，国务院批准原金温铁路合资造，从新造个东孝站出发。1993年12月15号，浙赣线金华段二期工程开通。1995年，金温铁路东孝站上行线道岔施工搞定哉，表明箇线路勒垃东孝站接进国铁1996年4月21号通车。1997年8月27号，新东孝站正式使用，标志金温铁路正式接进国铁网络。

2015年底开通个金温铁路扩能改造工程个起点也是东孝站，故咾车站对信号、接触网设施进行改造，还勒垃西面新造仔到沪昆客运专线下行方向个联络线。

2025年7月2号20点28分，金温铁道公司一部货物列车勒垃东孝站刹车没把牢、帮路过个K1373次旅客列车个机车撞勒一道，脱轨拿路堵脱，还好没人受伤咾啥个。7月2号23点27分，滞留东孝站个K1373次旅客列车勒垃换挂机车仔後开出去哉，线路恢复运行。