东古拉沙里

东古拉沙里（马来语：Tengku Razaleigh bin Tengku Hamzah；1937年4月13号生），是马来西亚个政治人物，吉兰丹苏丹穆罕默德五世个叔公，巫统成员，做过乌鲁吉兰丹搭话望生个国会议员，巫统顾问团个头头。

政治生涯

东古拉沙里勒1976年到1984年做过财政部长，勒1984年到1987年做过国际贸易及工业部长。1987年巫统党选个辰光，伊直接挑战当时个党主席兼总理马哈蒂尔·穆罕默德，失败哉，自家成立仔四六精神党，一直领导搿隻党到1996年解散为止，後来回到巫统。从2008年马来西亚大选开始，伊代表国民阵线做吉兰丹话望生个国会议员，一直做到2022年。

2018年6月30号举行个巫统党选里向，东古拉沙里勒提名截止前一日天开新闻发布会，宣布竞选党主席，挑战代主席艾哈迈德·扎希德输畀代主席。7月30号，巫统总秘书安努亚慕沙开记者会，讲要调整巫统内部架构，宣布东古拉沙里去领导新成立个巫统顾问团。

2020年12月14号，安瓦尔·易卜拉欣拿到10個巫统议员支持要做总理个消息传出去仔么，东古拉沙里特搭老对头马哈蒂尔一道开记者会，讲自家豁出去哉，愿意摈弃前嫌搭马哈蒂尔合作，弗怕巫统为搿桩事体罚伊。