中国2010年上海世界博览会世博轴

中国2010年上海世界博览会世博轴，简称世博轴（英语：Expo Axis），是2010年上海世界博览会园区主入口搭仔主轴线，是“一轴四馆”五大永久建筑个“轴”，乃朝是购物中心“世博源”。

历史

好分成地下地上各两层，是隻半敞开式个建筑，南北走向个，拿中国馆、浦东主题馆群、世博中心咾啥个连起来。世博轴是大型商业、交通综合体，是世博园区顶大个单体项目，也是世博园区空间景观、人流交通个主轴线，也是上海世博会“一轴四馆”五大永久建筑之一。^[1]

乃朝世博轴交畀上海世博发展（集团）有限公司、百联集团有限公司联合成立个上海世博百联商业有限公司进行经营管理改造。^[2]2014年5月份，世博轴改造成中国头一隻超广域购物中心“世博源”，畀路分割成二街五区。世博源开幕以後，人气赛过当年世博会，客流突破50万人^[3]，吃饭、趁观光小火车侪要排队^[4]。