上海世博中心

上海世博中心，老底子叫中国2010年上海世界博览会世博中心，是2010年上海世博会个综合性核心功能场馆，一座世博永久场馆，勒垃世博园区B片区个滨江绿地里向。伊2007年6月7号开工，2009年12月25号正式造好，总建筑面积14200平方米。

世博会个辰光，世博中心是贵宾会客室、庆典宴会厅、论坛大会堂，世博会闭幕前个《上海宣言》也勒垃箇世博中心里向签个。世博会以後，箇地方是国际会议中心，中共上海市党代会、上海市人大、政协等政务会议、上海合作组织峰会、亚太经济合作组织会议等会议也勒垃箇地方举办。

世博中心有中央大厅、大会堂、政务厅、宴会大厅、多功能厅五大部分，名字分别叫绿厅、红厅、蓝厅、金厅、银厅。