上海有线02足球俱乐部

上海有线02足球俱乐部（FC Shanghai Cable 2002），是上海一支已经弗存在个足球俱乐部（1995年－2002年）。

概况

1995年，甲A联赛劲旅上海申花主教练徐根宝开出来箇隻俱乐部，想法是培养1981年、1982年年龄段个球员，球队个长期目标是畀2002年韩日世界杯培养足球人才，故咾叫上海02足球俱乐部。伊辰光俱乐部是上海市足协、上海有线电视台、徐根宝個人三方出钞票个，1999年上海有线电视台收购绝大部分股份纔改名上海有线02，外加因为队员年龄接近成年，开始正式冲击足球职业联赛。

2000年，有线02足球队头一趟参加乙级联赛，半决赛里向两回合2:3输畀四川绵阳丰谷，输脱升级资格。2001年，因为参加九运会，球队放弃当年乙级联赛个参赛机会，阿末上海有线02班底个上海九运足球队获得全运会银牌。

2002年，徐根宝又变成上海申花个主教练，外加包括原上海有线电视台个新闻传媒界大型国有企业上海文广集团成为申花最大个股东，有线02两隻主要拥有方侪变成申花个一部分，故咾俱乐部也顺带便畀申花收编，撤销哉。

02俱乐部畀中国培养仔一批1981年、1982年个球星，顶出名个有杜威、“吉祥兄弟”。

俱乐部成绩

年　份	事　件
1995年	上海02足球俱乐部成立。
1999年	改名上海有线02足球俱乐部。
2000年	俱乐部头一趟参加中乙，半决赛输脱。
2001年	俱乐部代表上海足球队获得九运会银牌。
2002年	俱乐部畀上海申花收编。

出名球员

外部链接